Хестæри кувд, киндзи ка фæццæуй, еци кизгæн

Хестæри кувд, киндзи ка фæццæуй, еци кизгæн
д.
Хуцау, табу Дæхецæн, дуйне ка исфæлдиста, еци
Еунæг Хуцау!
Мах зæронд адæн ан, мах Дæу æной неци бакæндзинан цæрунæн,
Де уазæг, Дæ фæдзæхст!
Амменæ, Хуцау!
Дуйнетæ ка скодта, еци Еунæг Хуцау,
Еу хатт дин Дæ ном ку иссерæн, уæд сæдæ хатти агъазгæнæг уо!
Амменæ!
Мæнæ дууæ сувæллоней туххæй æрбамбурд ан,
Сæ цард кæрæдзебæл бабастонцæ,
Mа æ цард ба æвæсмондæр кæмæн рауадæй райдайæнæй кæрони уалдæнгæ,
Уой æмбал аци дууæ сувæллоней цард искæнæ!
Амменæ!
Авди сæр, авд идауæги, (кæс Авд дзуары)
Етæ дууæ хæстæгей астæу æвдай дзиуарæ уæнтæ!
Амменæ!
Мах дæр исæмбæлæг адæм ан,
Ма не сæмбæлд ка ‘й, е устур арфæ, устур амонд уæд!
Амменæ!
Мæнæ нæ къохæй сувæллон æрветæн,
Æма ‘й Хуцау фæндараст фæккæнæд!
Амменæ!
Æ еу усхъæбæл зурнæ авдæнтæ фæххæссæд,
Иннæ усхъæбæл зурнæ айдæнтæ фæххæссæд!
Амменæ!
Изæйрон Уасгерги æ къохбæлхуæцæг кæмæн адтæй,
Сæумон изæдтæ киндзхонтæ кæмæн адтæнцæ,
Майрæн-æфсийнæ мадæ æндзиуаргин кæмæн адтæй,
Мадæ Майрæн æ рахес фæрсти кæмæн рацудæй,
Фонси Фæлвæра æд фидтæ æндзиуаргин кæмæн адтæй,
Еци киндзæ ци бони фарни ранæхстæр æй,
Аци киндзæ дæр еци бони фарни ранæхстæр уæд!
Амменæ!
Е нæртон адæмæй Дигори астæу кувддаг, арфиагæн куд байзадæй,
Уотæ аци киндзæ дæр кувддаг, арфиагæн куд байзайа,
Уæхæн амонд Хуцау исаккаг кæнæд!
Амменæ!
А нæртон адæмæй æвддæсинсæй æмбали кæмæн адтæй,
Еци киндзæ ци бони фарни æрцудæй,
Аци киндзи дæр Хуцау еци бони фарни æрцæун кæнæд!
Амменæ!
Нæ цæститæбæл ке уинæн,
Æ рахес къохти сугъзæрийнæ къинсæ фæххæссæд,
Æ галеу къохи авди берекет фæххæссæд!
Æ ранæхстæри, æ алли ампъези устур фарнæ, устур амонд фæххæссæд!
Амменæ!
Æ бахъæртти медæгæ бинонтæн адгин куд уа,
Синхи цæсти кадгин куд уа!
Амменæ!
Æрцарди медæгæ æ рауади устур кадæ, устур нивæ куд уа!
Амменæ!
Æрбаздæгъди медæгæ хæдзарæмæ устур фарнæ куд хæсса!
Амменæ!
Нифсæй нифсгун куд уа,
Хъаурæй хъаурæгин куд уа,
Фурау тæрнихгин куд уа,
Цæуау бæрзæйгин куд уа,
Каркау бæдолгин куд уа!
Амменæ!
Дууæ муггаги кæрдæг æма фæсалау куд исхæлæмулæ уонцæ,
Æма фæрсæйкæсæг адæм уотæ куд зæгъонцæ:
«Еци дууæ муггаги ци бони фарни бахæстæг æнцæ,
Уæхæн гъуддаг исаккаг кæнæ!»
Амменæ!
Гъе нур берæ ковуни бæсти
Хуцау берæ хуæрзтæ исаккаг кæнæд!
Æруайæд, йе дзæбæх зæгъæг ка ‘й, е.
Амменæ!
Гъе нур, мæ хор, æнсувæр зæгъун æнцон æй цъухæй,
Фал царди медæгæ рахæссун ба зин æй.
Cумахæн ба ‘й Хуцау исаккаг кæнæд сæрæй кæронмæ æнæ тæрегъæдæй рахæссун,
Хъиамæти бони уалдæнгæ.
Амменæ!
Гъе нур, мæ хор, дзæбæх зæгъæг, аци ниуазæн,
Нарти Уацамонгæ ци бунат ниййахæста ма ци кадæ райста,
Еци кадæ æма бунат куд ниййахæсса, уоци амонд Хуцау раттæд!
Амменæ!
Æруайæ мæмæ, æруайæ, мæ хор!

Словарь по этнографии и мифологии осетин. 2014.

Нужно решить контрольную?

Полезное


Смотреть что такое "Хестæри кувд, киндзи ка фæццæуй, еци кизгæн" в других словарях:

  • Хестæри кувд, киндзи ка фæццæуй, еци кизгæн – перевод — см. Хестæри кувд, киндзи ка фæццæуй, еци кизгæн Молитва старшего в доме невесты – Хуыцау, табу Тебе, Хуыцау, что сотворил мир! Мы – древний народ, Мы без тебя не сможем прожить Будь милостив, Возьми нас под свою защиту. – …   Словарь по этнографии и мифологии осетин

  • ЦАРДЫУАГОН КУЫВДТЫТÆ — Семейные обрядовые молитвы Чызгæрвысты куывд Киндзхонти хестæри кувд Хестæри кувд, киндзи ка фæццæуй, еци кизгæн Чындзхасты куывд …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»